Խաչատուր Աբովյան – Թուրքի ախչիկը

Khachatur Abovyan - Turki akhchiky

Khachatur Abovyan - Turki akhchiky

«Թուրքի ախչիկը» պատմվածքը Խաչատուր Աբովյանը գրել է 1847թ.-ին: Այն, ինչպեսև Աբովյանի ստեղծագործությունների մեծ մասը, տպագրվել է հեղինակի մահից հետո: Աբովյանն ապրել է մի ժամանակահատվածում, երբ Հայաստանը ընդգրկված էր մուսուլմանական երկրների կազմում, ուստի խիստ արդիական էր այլ կրոնի ներկայացուցիչների հետ փոխհարաբերության հարցը: «Թուրքի ախչիկը» պատմվածքում հեղինակը երազում է բանական հասարակության մասին, որը նրա համոզմամբ պետք է ազատ լինի կրոնական կաշկանդումներից. մարդիկ պետք է թեթևացնեն միմյանց հոգսն ու ցավը, ճանաչեն միայն սիրո, եղբայրության ու բարեկամության կրոնը:

Բեռնեք Խաչատուր Աբովյանի «Թուրքի ախչիկը» պատմվածքը սեղմելով նկարին կամ մուտքագրեք այս հղումը ձեր բրոուզերում https://itunes.apple.com/am/app/turki-aghjiky/id588050885?mt=8

Tagged with: , , , , , , , , , , , ,
Posted in ԱուդիոԴարան, Նորություններ

21-րդ դարի լավագույն ստեղծագործությունները՝ ըստ The Millions ամսագրի

mitchell

The Millions գրական ամսագիրը կազմել է 21-րդ դարի լավագույն գրքերի ցանկը, որն ընտրվել է 56 փորձագետների (գրողներ, լրագրողներ, քննադատներ) կարծքների հիման վրա, հետո ներկայացվել Facebook-ի օգտատերերի քվեարկությանը:

eugenidisՋեֆրի Եվգենիդիս «Միջին սեռ»

Հերմոֆրոդիտի կյանքի պատմություն, որն ամենայն անկեղծությամբ պատմվում է առաջին դեմքից: Վեպը գրվել է հունական ծագումով ամերիկացի Ջեֆրի Եվգենիդիսի կողմից Բեռլինում և 2003թ.-ին արժանացել Պուլիտցերյան մրցանակի: Վեպը մի ընտանիքի մի քանի սերունդների պատմություն է պատմված հերմոֆրոդիտ-ժառանգի կողմից:

diaz

Ջունո Դիաս «Օսկար Ուոյի կարճ և զարմանալի կյանքը»

Կիսաինքնակենսագրական վեպ, գրվել է 2007թ. դոմինիկյան արմատներով ամերիկացի Ժունո Դիասի կողմից: Հեղինակը պատմում է գեր և կոպիտ մի դժբախտ երեխայի մասին, որը մեծանում է Նյու Ջերսիում և վաղաժամ մահանում պատանի հասակում:  Ստեղծագործությունը 2008թ.-ին արժանացել է Պուլիտցերյան մրցանակի: Գրքի ուշագրավ առանձնահատկություններից է յուրօրինակ լեզուն, որն իրենից ներկայացնում է գրական անգլերենի, «սփենգլիշ»-ի (իսպաներենի և անգլերենի խառնուրդ) և Ամերիկայում ապրող լատինամերիկացիների փողոցային սլենգի խառնուրդ:

Ռոբերտո Բոլանիո «2666»

bolanoՉիլիացի գրողի վեպը հրատարակվել է նրա մահից հետո: Այն բաղկացած է 5 մասից, որը հեղինակը ֆինանսական նկատառումներից ելնելով պատրաստվում էր հրատարակել որպես 5 անկախ գիրք, որպեսզի այդկերպ ապահովեր իր երեխաների բարեկեցությունն իր մահից հետո: Այնուամենայնիվ մահից հետո նրա ժառանգները, գիտակցելով ստեղծագործության գրական արժեքը, որոշել այն հրատարակել են այն մեկ գրքով:

Դևիդ Միտչել «Ամպային ատլաս»

«Ամպային ատլասը» նման է հայելային լաբիրինթոսի,mitchell որում պատմվում է 6 պատմություն. 19-րդ դարի կեսերի նոտարիուս, որը Ավստրալիայից վերադառնում է ԱՄՆ, երիտասարդ կոմպոզիտոր, որը ստիպված է վաճառել հոգին և մարմինը, 1970-ականներում ապրող կորպորատիվ դավադրություն բացահայտող լրագրողուհի Կալիֆորնիայից, մանր հրատարակիչ, որն ապրում է մեր ժամանակներում և համարձակվում է բանկ կողոպտել «Հարված կաստետով» ինքնակենսագրականի հիման վրա և փախչում վարկատուներից,  կլոն-աղախին Կորեայի արագ սննդի հաստատությունից, հավայացի հովիվ քաղաքակրթությունների մայրամուտում:

mccarthyՔորմակ Մաքքարթի «Ճանապարհ»

Քորմակ Մաքքարթիի ստեղծագործություններն առանձնանում են խիստ ռեալիզմով և մարդկային էության նկատմամբ առողջ հայացքով: Հայրը փոքր որդու հետ ճանապարհորդում է սարսափելի աղետի ենթարկված երկրով՝ հուսահատ կերպով փորձելով ողջ մնալ և պահպանել մարդկային կերպարը հետապոկալիպտիկ աշխարհում:

Իեն Մքյուեն «Հատուցում»mcewan

Այս ստեղագործությունն իր անկեղծությամբ «կորուսված ժամանակի ժամանակագրություն է», որը վարում է դեռահաս մի աղջիկ, որ գնահատում  և վերաիմաստավորում է մեծերի կյանքը:

chabonՄայքլ Չաբոն «կավալերի և Կլեյի արկածները»

Երկու հրեա երիտասարդներ Երկրորդ համաշխարհային պատերազմի տարիներին Ամերիկայում դառնում են կոմիքսի արքա: Իրենց արվեստով նրանք փորձում են պայքարել չարի ուժերի դեմ:

Ջոնաթան Ֆրանզեն «Ուղղումներ»

Սա հայրերի և երեխաների հավերժ կոնֆլիկտի հեգնական և խորը վերաիմաստավորում է:franzen Հետևելով արդեն հոգեկան խանգարման հասնող նախկին ինժեներ Ալֆրեդ Լամբերտի ընտանիքի տխուր և ուրախ դրվագներին՝ հեղինակը կերտում է բազմակերպար վեպ սիրո, բիզնեսի, կինեմատոգրաֆիայի, «բարձր խոհանոցի», Նյու Յորքի գլխապտույտ շքեղության և անգամ հետխորհրդային տարածությունում տիրող կամայականությունների մասին: Գիրքը ճանաչվել է «21-րդ դարի առաջին մեծ վեպ»:

robinsonՄերիլին Ռոբինսոն «Գիլեադ»

Վեպի իրադարձությունները ծավալվում են 1956թ. Գիլեադում (Այովա նահանգ): Գիրքն իրենից ներկայցնում է 76-ամյա քահանայի նամակները 7-ամյա որդուն: Վեպում տեղ են գտել մի շարք հիշողություններ, պատմություններ, բարոյական խորհուրդներ:

Զեդդի Սմիթ «smithՍպիտակ ատամներ»

Վերջին տարիներին բրիտանական գրականության ամենահաջողղված և վառ դեբյուտային վեպերից է: Վեպը գրված է հրաշալի երգիծական պատմողական ոճով, որում խոսվում է ընկերության, սիրո, պատերազմի, երկրաշարժերի, երեք մշակույթների, 3 սերունդների երեք ընտանիքների և մի շատ արտսաովոր մկան մասին:

murakamiՀարուկի Մուրակամի «Կաֆկան լողափում»

Ստեղծագործության կենտրոնում մի դեռահասի պատմություն է, որը փախել է տնից իր հոր մռայլ մարգարեության պատաճռով: 20-րդ դարի երկրորդ կեսին Ճապոնիայում ապրող հերոսների զարմանալի ճակատագրի վրա ազդում է մարգարեությունը, մյուս աշխարհից ուղարկվածները և կատուն:

Խալեդ Հոսեյնի «օդապարուկով վազողը»hosseini

Ամիրը և Հասանը բաժանված են անդունդով: Մեկը պատկանում է տեղի ազնվական ընտանիքի, մյուսը ատելի փոքրամասնության: Մեկի հայրը գեղեցիկ և կարևոր է, մյուսինը՚ կաղ և խղճուկ: Հասանի նապաստակի շրթունքը բոլորն են տեսել, իսկ Ամիրի տգեղ սպիները թաքցրել են, սակայն նրանք ընկերանում են և նրանց պատմությունը զարգանում է քաբուլյան իդիլիայի ֆոնին, որը շուտով փոխարինվում է սարսափելի փոթորիկներով:

ishiguroԿաձուո Իսիգուրո «Մի լքիր ինձ»

30-ամյա Քեթին հիշում է իր մանկությունը Հեյշլեմի դպրոցում՝ տարօրինակություններով, կիսատ բացահայտություններով և թաքնված սպառնալիքներով լի: Այն վեպ-առակ է, սիրո, բարեկամության և հիշողության պատմություն:

Վինֆրիդ Գեորգ Զեբալդ «Աուստերլից»sebald

Ժակ Աուստերլիցը, որն իր ողջ կյանքը նվիրում է ամրոցների, պալատների և դղյակների կառուցվածքի ուսումնասիրությանը, հանկարծ գիտակցում է, որ ոչինչ չգիտի սեփական պատմության մասին, բացի նրանից, որ 1941թ.-ին իրեն՚ 5-ամյա տղային տարել են Անգլիա: Եվ ահա 10 տարի անց նա թափառում է Եվրոպայով, նստում արխիվներում և գրադարաններում՝ իր մեջ վեր հանելով սեփական «կորցրած իրերի թանգարանը», «աղետների սեփական պատմությունը»:

Ռիչարդ Ռուսո «Էմփայր Ֆոլլզ»

russoՎեպը երգիծական ոճով պատմում է Մեն նահանգի Էմփայր Ֆոլս ավանի «կապույտ օձիքների» մասին: Գլխավոր հերոսը Մայլզ Ռոբին գրիլ-բարի կառավարիչ է: Նրա հաստատությունը համարվում է այդ ավանում 20 տարիների ընթացքում ամենահայտնի վայրը:

Էլիս Մունրո «Փախուստ»munro

Հայտնի կանադացի գրողի պատմվածքների հավաքածու, որի հիման վրա Հոլիվուդում նկարահանում են ֆիլմեր, իսկ 2004թ. գիրքը ստացավ Գիլլերի մրցանակ:

toibinՔոլմ Թոյբին «Վարպետը»

Իռլանդիացի գրողի վեպում պատմվում է 19-րդ դարի հայտնի վիպագիր և քննադատ Հենրի Ջեյմսի մասին:

Նգոզի Ադիչի Չիմամանդա «Դեղին արևի կեսը»chimamanda

Լարված դրամատիզմով լի այս վեպը պատմում է մի քանի մարդու մասին, որոնց պատմությունների խաչվում են ամենազարմանալի կերպով: Ընթերցողները վեպն անվանել են «աֆրիկյան «Քամու հետևից վազողները», իսկ Բրիտանիայում գիրքն արժանացել է «Օրանժ» մրցանակի:

lahiriՋումփա Լաիրի «Արտասովոր Երկիր»

Հնդկական ծագումով հեղինակը գրքում շարունակում է հնդիկ ներգաղթյալների թեման, որը սկսել էր իր նախորդ՚ «Հիվանդությունների մեկնաբանը» վեպում:

Սյուզան Քլարք «Ջոնաթան Սթրենջը և միսթեր Նորելը»clarke

Նապոլեոնական դարաշրջանի մոգական Անգլիա, որում հրաշագործները գաղտնի ծառայում են կառավարությանը և սեփական միջոցներով  պաշտպանում Բրիտանական կայսրությունը: Սակայն պայքարելով «սովորական» թշնամու դեմ և օգտագործելով իրենց ուժը որպես ևս մեկ զենք «մարդկային» պատերազմում, հրաշագործները մոռացել են իրենց իրական հավերժ հակառակորդի Հին Ժողովրդի մասին:

Tagged with: , , , , , , , , , , , , , , , , , , , , , , , , , , , , , , , , , , , , , , , ,
Posted in Նորություններ

Այսօր բացվում է գրքի համաշխարհային խոշորագույն տոնավաճառներից մեկը

Buenos-Aires-International-Book-fair-pic-11

Արգենտինայի մայրաքաղաք Բուենոս ԱյրեսումBuenos-Aires-International-Book-fair-pic-11 այսօր բացվում է գրքի միջազգային տոնավաճառը, որն ամենախոշորն է իսպանալեզու աշխարհում: Ակնկալվում է, որ տոնավաճառի աշխատանքի երեք շաբաթների ընթացքում այն կայցելի առնվազն մեկ միլիոն մարդ:

Կազմկոմիտեից հայտնել են, որ այս տարի տոնավաճառին մասնակցում է ավելի քան 1500 մասնագետ աշխարհի ավելի քան 40 երկրից: Իրենց մասնակցությունը հաստատել են այնպիսի հեղինակներ, ինչպիսիք են Ջոն Կուտզեեն, Արտուրո Պերես-Ռևերտեն, Խավիեր Սերկասը, Ստեֆանո Բեննին, Լեոնարդո Պադուրան: Տաղավարների տարածքը զբաղեցնում է ավելի քան 45 հազար քառակուսի մետր տարածք:

Ակնկալվում է, որ միջոցառման ամենավառ իրադարձությունը կլինի շաբաթ լույս կիրակի նախատեսվող գրական երեկոն: Գիշերային հյուրերը կկարողանան մասնակցել գրական շոուի, մրցույթների, վիճակախաղերի, հանդիպել գրողների հետ:

Տոնավաճառի պատվավոր հյուրն այս տարի կլինի Ամստերդամը: Տաղավարներից մեկում կբացվի «Ամստերդամի սրճարան», որտեղ հանրությանը կմատուցվեն ժամանակակից հոլանդական արձակի և պոեզիայի նմուշներ:

Հատուկ տեղ կհատակացվի մանկական և պատանեկական գրականության նվիրված տաղավարներին:

Tagged with: , , ,
Posted in Նորություններ

Այսօր գրքի համաշխարհային օրն է

Bookday

Ամեն տարի ապրիլի 23-ը Bookdayնշվում է որպես Գրքի և հեղինակային իրավունքի համաշխարհային օր (World Book and Copyright Day):

Տոնը նշելու գաղափարը պատկանում է Հրատարակողների միջազգային ասոցիացիային, որն  այն ներկայացրել էր ՅՈՒՆԵՍԿՕ-ի քննարկմանը: ՄԱԿ-ի այս կառույցըի Գերագույն կոնֆերանսն իր 28-րդ նստաշրջանում (1995թ. հոկտեմբերի 25-նոյեմբերի 16) միաձայն հավանություն է տվել Բանաձևին, որով ապրիլի 23-ը հռչակվել է Գրքի և հեղինակային իրավունքի համաշխարհային օր: Առաջին անգամ տոնը նշվել է 1996թ.-ին:

Հարկ է նշել, որ օրը պատահաբար չի ընտրվել. այդ օրը ծնվել են մի շարք նշանավոր գրողներ, ինչպիսիք են Մորիս Դրյուոնը, Հալդոր Լաքսնեսը, Մանուել Մեխիա Վալիեխոն և այլք:  1916թ. այդ օրը մահացել է համաշխարհային գրականության այնպիսի գագաթներ Միգել դե Սերվանտեսն ու Ուիլյամ Շեքսպիրը:

Գրքի օրը նշելու ավանդույթն առաջացել է Կատալոնիայում, որտեղ 1923թ. գրավաճառները որոշեցին գրքի հսկայական տոնավաճառ բացել՝ Սերվանտեսին, Շեքսպիրին և Ինկա Գարսիլասո դե լա Վեգային հարգանքի տուրք մատուցելու համար: Բացի այդ, Կատալոնիայում ավանդույթ կա, որի համաձայն ապրիլի 23-ին (Սուրբ Գեորգիի օրը) գիրք գնողին վարդ են նվիրում:

ՅՈՒՆԵՍԿՕ-ն վերափոխել է այդ ավանդույթը և հիմնել «Նվիրիր գիրք, նվիրիր վարդ» ծրագիրը:

Ավանդաբար այս օրը աշխարհի շատ երկրներում կազմակերպվում են գրքի տոնավաճառներ և ցուցահանդեսներ:

2001թ.-ից սկսած Մադրիդի հրատարակիչների նախաձեռնությամբ ՅՈՒՆԵՍԿՕ-ն ընտրում է Գրքի համաշխարհային մայրաքաղաք: Այդ պատվավոր կոչմանն արժանացել են այնպիսի քաղաքներ, ինչպիսիք են Մադրիդը, Ալեքսանդրիան, Նյու Դելին, Անտվերպենը, Մոնրեալը, Թուրինը, Բոգոտան, Ամստերդամը, Բեյրութը, Լյուբլյանան, Բուենոս Այրեսը, իսկ 2012թ.-ին գրքի համաշխարհային մայրաքաղաք էր Երևանը:

Tagged with: , , , , , , , , ,
Posted in Նորություններ

Իսպանիայում գրքերի second-hand է բացվում

store

storeԲարսելոնում Արիբաու և Ռոսելիոն փողոցների խաչմերուկում բացվում է second-hand գրքերի խանութ: Խանութի գրադարակները լի են տարբեր ժանրերի գրքերով: Մեկ գիրքը միջին գինը 3 եվրո է, ընդ որում մեկից ավել գիրք գնելու դեպքում զեղչեր են կիրառվում:

Խանութի ցուցափեղկի վրա տեղադրված է պաստառ, որում բացատրվում է խանութի աշխատանքի սկզբունքը. «Միշտ էլ կան ընթերցված գրքեր, և գրքեր, որոնք դեռ պետք է կարդալ, ուստի մենք դրանք գնում և վաճառում ենք»:

Ցանկացողները կարող են խանութ բերել իրենց ընթերցած գրքերը, որոնք խանութը կգնի յուրաքանչյուրը 20 ցենտով: Միակ պահանջն այն է, որպեսզի գիրքը լինի բարվոք վիճակում:

Tagged with: , ,
Posted in Նորություններ

Մուրակամիի նոր գիրքը, դեռ լույս չտեսած, արդեն 20հզ գնորդ ունի

haruki-murakami

Ճապոնացի գրող Հարուկի Մուրակամիի haruki-murakamiնոր գիրքը գնելու համար Amazon ինտերնետ խանութում նախապես գրանցվել է ավելի քան 20 հազար մարդ: Գիրքը Ճապոնիայի գրախանութներում կհայտվի վաղը:

Ինչպես հաղորդում է France-Presse գործակալությունը, Տոկիոյի խոշորագույն գրախանութներից մեկն իր դռները կբացի կեսգիշերին, որպեսզի գրողի արվեստի երկրպագուները կարողանան հնարավորինս շուտ ձեռք բերել գիրքը: Այս պահին հայտնի է միայն վեպի ճապոներեն անվանումը՝ Shikisai wo Motanai Tasaki Tsukuru to Kare no Junrei no Toshi: Գրքի առաջին տպաքանակը 500 հազար օրինակ է: Ոչ հրատարակիչը, ոչ ինքը՝ գրողը, չեն բարձրաձայնում սյուժեի մանրամասները: Մուրակամին հայտարարել է, որ նոր վեպը սկզբունքորեն կտարբերվի նախորդից՝ մեծ ժողովրդականություն ստացած ”"1Q84“-ից:

Հարուկի Մուրակամին աշխարհի ամենահայտնի ճապոնացի գրողներից է: Նա մի շարք գրական մրցանակի դափնեկիր է, իսկ ստեղծագործությունները թարգմավել են աշխարհի 20 լեզուներով:

Tagged with: , ,
Posted in Նորություններ

70 տարի առաջ այս օրն առաջին անգամ լույս տեսավ «Փոքրիկ իշխանը»

принц

1943թ. ապրիլի 6-ին Նյու Յորքի Reynal & Hitchcock հրատարակչությունն առաջին принцանգամ լույս է ընծայեց ֆրանսիացի գրող Անտուան դը Սենտ-Էքզյուպերիի «Փոքրիկ իշխանը» հեքիաթ-պատմվածքը, որը միանգամից գրավեց ընթերցասերների ուշադրությունը: Այն մինչ օրս շարունակում է մնալ և՛ երեխաների, և՛ չափահասների, տարբեր մշակույթների, կրոնների, սոցիալական շերտերի ներկայացուցիչների  ամենասիրելի գրքերից մեկը: Գիրքը թարգմանվել է աշխարհի ավելի քան 110 լեզուներով: «Փոքրիկ իշխանը» համարվում է ունիվերսալ գիրք, որը չափահասներին սովորեցնում է աշխարհին նայել երեխաների աչքերով, որում, հեղինակը քննադատում է ժամանակակից «սպառման հասարակության» արժեքային համակարգը և պատկերում իր տեսանկյունից կատարյալ աշխարհ, որում անշահախնդիր բարեկամության և ընկերների միջև համաձայնության թեմաները կարևոր տեղ են զբաղեցնում:

Անտուան դը Սենտ-Էքզյուպերին եղել է ոչ միայն հայտնի գրող, մտածող և հումանիստ, այլև խիզախ օդաչու: 1935թ. նրա ինքանթիռը վթարի է ենթարկվել, և գրողը մյուս օդաչունի՝ Անդրե Պրևոյի հետ ստիպված էր վայրէջք կատարել Սահարա անապատում: Առանց ջրի ու վառելիքի մնացած օդաչուները հազիվ թե փրկվեին, եթե նրանց չփրկեին բեդվինները: Հենց այդ դեպքն էլ դրդել է Էքզյուպերիին գրել «Փոքրիկ իշխանը»: Այդ ժամանակ արդեն Էքզյուպերին հանրահայտ գրող էր՝ կոշտ քաղաքական հայացքներով: 1943թ. «Փոքրիկ իշխանի» հրատարակումը հիասթափեցրեց նրա արվեստի մի շարք երկրպագուների: Հեղինակից սպասում էին այնպիսի ստեղծագործություն, որում գնահատական կտրվեր Երկրորդ համաշխարհային պատերամին: Սակայն ժամանակի ընթացքում քննադատները ըստ արժանվույն գնահատեցին խորը փիլիսոփայական բովանդակությամբ «մանկական գիրքը»:

Օրերս Դյուսելդորֆի Karl Rauch հրատարակչությունը լույս է ընծայել «Փոքրիկ իշխանի» հոբելյանական տարբերակը:

Tagged with: , ,
Posted in Նորություններ

Amazon-ը գնում է Goodreads-ը

goodreads

Amazon-logoAmazon ընկերությունը համաձայնության է եկել Goodreads գրական խորհրդատվության ծառայությունը գնման շուրջ: Այս մասին հաղորդվում է Amazon-ի կայքում:

Amazon-ը հայտարարել է, որ իր գրքային ծառայություններում շուտով կներգրավի Goodreads-ի ներկայացրած սոցիալական հնարավորությունների ծառայությունները: Գործարքի արժեքը չի հաղորդվում, սակայն Forbes ամսագիրը ենթադրում է, որ դա ութանիշ թիվ է: Crunchbase գործարքների տեղեկատվական արխիվի համաձայն՝ Goodreads-ն իր գոյության ընթացքում գրավել է 2.75 մլն դոլար ներդրում:

goodreadsAmazon-ը հայտնի է իր Kindle էլեկտրոնային գրքերով, ինչպես նաև գրքերի առցանց խանութով, որից ընկերությունը սկսել է իր գործունեությունը 1994թ.-ին: Goodreads-ը սոցիալական կատալոգ է, որը օգտատերերին ընթերցելու համար գրքեր է խորհուրդ տալիս: Օգտատերը կարող է տեսնել նաև իր ընկերների խորհուրդ տված կամ ընթերցած գրքերը: Ծառայությունը գործարկվել է 2007թ.-ին և ունի 16 մլն օգտատեր: Ընկերության տվայալներով՝ օգտատերերն իրենց վիրտուալ գրադարակներում ավելացրել են ավելի քան 530 մլն գիրք, թողել են ավելի քան 23 մլն մեկնաբանություն:

Tagged with: ,
Posted in Նորություններ

Ընթացքի մեջ է աշխարհի ամենահայտնի գրական ցուցահանդեսներից մեկը

paris

parisՓարիզում ուրբաթ օրը բացվել է Գրքի միջազգային 33-րդ ցուցահանդեսը (Salon du livre), որին մասնակցում է 2000 գրող աշխարհի 45 երկրներից: Ցուցահանդեսը կշարունակվի մինչև մարտի 25-ը: Այս մասին հաղորդվում է ցուցահանդեսի կայքում:

Ցուցահանդեսի պատվավոր հյուրերը կլինեն Բարսելոնը և Ռումինիան: Առաջին անգամ այս տարի մեծ տեղ կհատկացվի խոհարարական գրականությանը: Բացի այդ, կտեղադրվի ցուցադրական հարթակ, որտեղ խոհարարները գործնականում կներկայացնեն գրքերում նկարագրվող բաղադրատոմսերը:

Հաշվի առնելով նոր տեխնոլոգիաների զարգացումը՝ հատուկ ուշադրություն կդարձվի գիրքարտադրողների գլխավոր մրցակից էլեկտրոնային գրքերին, որոնք լայն տարածում ունեն ընթերցողների շրջանում: Փարիզ կբերվեն այդ ճյուղը ներկայացնող ավելի քան 30 նմուշ: Սրահի շրջանակներում տեղի կունենա Թվային հրատարակիչների միջազգային ֆորում:

Tagged with: , , , ,
Posted in Նորություններ

20-րդ դարում անգլալեզու գրականության հիմնական զգացմունքը վախն էր. հետազոտություն

Գիտնականները վերլուծել են, թե 20-րդ դարի ընթացքում ինչպես է փոխվել անգլալեզու գրականությունը զգացմունքային առումով, և եկել են եզրակացության, որ նախորդ դարի գրականության մեջ գերակշռող զգացմունքը եղել է վախը:

Հետազոտությունն անցկացրել են բրիտանացի գիտնականները Google Ngram-ի տվյալների օգնությամբ: Արդյունքները հրապարակվել են PLOS ONE գիտական ամսագրում: Նշվում է, որ իր տեսակի մեջ վերլուծությունն առաջինն է: Քանի որ հետազոտության լեզուն անգլերենն է, գիտնականները գեղարվեստական գրականությունը բաժանել են անգլիականի և ամերիկյանի: Արդյունքում հետազոտողները ֆիքսել են, որ 20-րդ դարում ամերիկացիները գրողները սկսել են գրել ավելի զգացմունքային և անձնական թեմաներով, քան բրիտանացիները:

Ամերիկացի գրողները «առաջ են ընկել» 60-ականների կեսերին՝ մոտավորապես հենց այն ժամանակ, երբ սկսվել է վիետնամական պատերազմը: Անգլալեզու հսկայական գրականությունը տարեցտարի դառնում էր ավելի քիչ զգացմունքային, ինչի ֆոնին ամերիկացի գրողները կարողացան որոշակի պահի՝ 60-ականների սկզբին, հասնել զգացմունքային բառապաշարի օգտագործման գագաթնակետին, որը բրիտանացի հեղինակները կիրառում էին 20 տարի ավելի վաղ: Այնուհետև, այդ ավանդույթն անկում ապրեց, և արդյունքում ստացվեց այնպես, որ վերջին 30 տարվա գրականությունը դարձավ պակաս զգացմունքային:

Տեխնիկական գրականության մասին հետազոտության մեջ չի հիշատակվում:

Գիտնականները նշում են, որ Առաջին համաշխարհային պատերազմը ոչ մի կերպ չի անդադարձել գրողների ընդհանուր տրամադրությունների վրա, այն դեպքում, երբ Երկրորդը և դրան հաջորդած հետպատերազմական տարիները զգացմունքային առումով չափազանց բարդ են եղել ինչպես բրիտանացի, այնպես էլ ամերիկացի հեղինակների համար: Իրենց դերը խաղացել են նաև նացիստական և հակասոցիալական տրամադրությունները, որոնք գերակշռում էին 20-րդ դարի վերջին տասնամյակում:

Գրական ստեղծագործությունների գգացմունքների հետազոտության շնորհիվ գիտնականները որոշել են, թե  20-րդ դարի որ շրջաններն են եղել «ամենաերջանիկը», և որոնք՝ «ամենադժբախտը»: Այսպես, ամենաուրախ շրջանը համարվել է 20-րդ դարի 20-ական թվականները, որոնք լի են եղել ռոմանտիկայով և անհոգությամբ, իսկ ամենադժբախտը՝ 40-ականները:

Tagged with: ,
Posted in Նորություններ

Ստեղծվել է աշխարհի ամենափոքր գիրքը

amenapoqr girq

amenapoqr girq

Ընկերությունից հայտնել են, որ գիրքը բացված տեսքով ունի 0.75մմ երկարություն և նույնքան լայնություն, և բաղկացած է 22 էջից:

Գիրքը վերնագրված է «Չորս եղանակների ծաղիկները». այն իրենից ներկայացնում է Ճապոնիայի բոլոր բույսերի և ծաղիկների տեղեկատու: Գիրքը ստեղծվել է 8 ամսվա ընթացքում:

Բացի փոքր տարբերակից, տպարանը լույս է ընծայել գրքի մեծ տարբերակը, որը նույնպես արդեն վաճառքում է, մինչդեռ փոքր տարբերակը ուղարկվել է Տոկիոյի կերպարվեստի թանգարան ցուցադրության:

Tagged with: , ,
Posted in Նորություններ

12.10.2012թ. Facebook-ի պաշտոնական էջի հիմնադրում
17.10.2012թ. «ԱուդիոԳիրք» ՍՊԸ-ի գրանցում ՀՀ իրավաբանական անձանց պետական ռեգիստրի գործակալությունում
24.10.2012թ. Կայքի հիմնադրում
23.11.2012թ. Twitter-ի պաշտոնական էջի հիմնադրում
03.12.2012թ. Բացման արարողություն և մուտք AppStore

«ԱուդիոԳիրք» ՍՊԸ © 2012-2013
Բոլոր իրավունքները պաշտպանված են:
Մեջբերումներ անելիս հղումը audiogirk.am-ին պարտադիր է:
Կայքի նյութերի մասնակի կամ ամբողջական օգտագործումն առանց audiogirk.am-ին հղման արգելվում է: